Арт-дайджэст тыдня ў рубрыцы "Променад"

Вялікі тэатр Беларусі чакае меламанаў на тэт-а-тэт з Чайкоўскім. У пятнічнай афішы акадэмічных падмосткаў - "Шчаўкунок". На Раство трупа возьме антракт, каб ужо ў нядзелю прапанаваць гледачу музычную экскурсію па ландшафтах Венскага лесу.

Чым папоўніцца рэпертуарная афіша ў новым, юбілейным сезоне - 90, якіх сюжэтных паваротаў чакаць ад Вялікага да навагодняга балю - кулуарныя спойлеры ў нашай рубрыцы "Праменад".

Палатно нямецкага рамантыка на французскі лад з рускай музыкай - у такіх інтанацыях, з рэверансам да Чайкоўскага, галоўная акадэмічная сцэна краіны сустракае новы каляндарны год. У пятнічнай афішы казка на пуантах, без якой ні трупа, ні глядач не могуць уявіць сабе калядны тэатральны рэпертуар. Танец феі Дражэ, пяшчотны вальс кветак і трыумф дабра над злом, прыпраўлены пышнымі дэкарацыямі - такімі сюжэтнымі па ў Вялікім закальцоўваюць святочны марафон.

Поўны метр у Вялікім. Кінабестселеры Галівуда рыхтуюцца да пераезду з экрана на сцэну ўжо 10 студзеня. Іграць на асацыяцыях будуць праз ініцыялы аскараноснага Джона Уільямса. Творы караля саўндтрэкаў ацэнім у двух аддзяленнях. Сюжэтны дыяпазон - ад Супермена да Гары Потэра. Пачуем і Magnum Opus кампазітара - музыку да “Зорных войнаў".

Да COVID-паўзы праграму абкаталі на еўрапейскіх пляцоўках. Эпідантракт літаральна пайшоў у плюс, канцэрт павялічыў хронаметраж. Цяпер ва ўнісон тэмам з "Індыяны Джонса" і "Парка Юрскага перыяду" пачуем мелодыі з камедыйнага "Адзін дома". За дырыжорскім пультам - стваральнік кінаканцэрта маэстра Вільгельм Кайтэль. За якасны гук адказваюць вялікім аркестравым складам. Адначасова на сцэне загучаць адразу 80 выканаўцаў.

Мелодыкай Штрауса па нядзельнай афішы. "Казкі Венскага лесу" ажывуць на сцэне Вялікага. Фокус - на нерастыражаваныя палотны-маршы аўстрыйскага кампазітара. Дапоўняць апавяданне арыі і дуэты ад народных артыстаў і творчай моладзі тэатра. Дарэчы, аркестр будзе музіцыраваць не пад, а на сцэне.

І некалькі актаў да вялікага навагодняга балю. Казка стане явай ужо 13 студзеня. Апеляваць да палацавага этыкету ў гэтым сезоне будуць адразу 4 рэжысёры. У пралогу квартэт анансуе венецыянскі карнавал, ацэнім і фрагмент з оперы Даніцэці “Любоўны напой”. У партэры і фае тэатра размесцяцца гасціныя. Сцэна прыме вялікі канцэрт, галоўнымі дзеючымі героямі стануць дзеці. Пад заслону - венскі баль, прыпраўлены інтэрмедыямі ў шэкспіраўскай стылістыцы.

Юбілейны, 90-ы сезон Вялікі правядзе без драмы. З чатырох запланаваных прэм'ер гледачы ўжо ацанілі два спектаклі. Следам рэпертуарную афішу папоўняць балет "Дон Кіхот" і опера "Севільскі цырульнік".

Такім быў арт-дайджэст гэтага тыдня. Сачыце за навінамі ў рубрыцы "Праменад" кожную пятніцу і выбірайце свой культурны маршрут.