Беларусь развіталася з Мікалаем Кірычэнкам

Беларусь развіталася з народным артыстам Мікалаем Кірычэнкам. Праводзілі майстра ў апошні шлях на галоўнай сцэне Купалаўскага тэатра.

Менавіта гэтым падмосткам Мікалай Міхайлавіч быў верны каля 50 сезонаў. Тут ён пражыў каля 90 роляў і ў верасні планаваў прыступіць да рэпетыцый новага спектакля. Але хвароба апынулася мацнейшай. Сэрца акцёра перастала біцца 14 жніўня. Яму было 72 гады. Апошнія кветкі куміру неслі паклоннікі, калегі, сярод якіх дзясяткі яго вучняў, некаторыя гралі з ім у адных спектаклях. Падчас грамадзянскай паніхіды былі зачытаныя словы спачування ад Кіраўніка дзяржавы.

Апошнія апладысменты майстру - менавіта так развітваюцца з легендамі тэатра. Мікалай Кірычэнка пахаваны на цэнтральнай алеі Усходніх могілак Мінска.