Беларускі тэнар Павел Пятроў - пераможца прэстыжнай "Апераліі"

Беларускі тэнар Павел Пятроў - трыумфатар "Апераліі". Гэты аўтарытэтны фестываль праходзіць пад патранажам маэстра, спевака і дырыжора Пласіда Дамінга. Вынікі XXV Міжнароднага конкурсу маладых выканаўцаў падвялі напярэдадні ў сталіцы Партугаліі Лісабоне. Салісту Вялікага тэатра Беларусі ўдалося абысці оперных спевакоў з Канады, Італіі, Партугаліі, Кітая, ЗША, Францыі, Расіі і Бразіліі. Пераможцу музычнага спаборніцтва вызначылі рэжысёры найбуйнейшых тэатраў свету - "Ла Скала", "Метраполітэн-опера" і "Ковент-Гардэн". Для опернай школы Беларусі гэта - сенсацыйная ўзнагарода.

Павел Пятроў (па тэлефоне).

Перамога ў "Апераліі" - галоўная ў кар'еры Пятрова. Калі быў студэнтам Акадэміі музыкі, Павел выконваў вядучыя партыі на галоўнай опернай сцэне краіны: Ленскі ў "Яўгене Анегіне", Альфрэд у "Травіяце". Наперадзе ў саліста кантракты з сусветнымі трупамі.