Больш за 70 работ Юрыя Анушкі экспануецца ў Мастацкай галерэі Савіцкага

Пошукі новых тэхнік у жывапісе, скульптуры, графіцы - ад мастака Юрыя Анушкі. Больш за 70 яго мастацкіх работ экспануецца на выставе “Стужка часу” ў Мастацкай галерэі Савіцкага. Сярод эксперыментаў - увядзення колеру і эмаляў у скульптурныя формы. Экспазіцыя ўражвае нестандартным светапоглядам аўтара, а ў стылі работ прасочваецца спадчына сюррэалізму.

Юрый Анушка працуе з рознымі матэрыяламі, пераважна з металам: бронза, сілумін, алюміній; выкарыстоўвае дрэва, граніт, вапняк, шкло і мармур. Калі са скульптурнымі формамі ён эксперыментуе, то ў яго графічных творах - класічны мастацкі падыход і дасканалае веданне анатоміі чалавека. Работы Юрыя Анушкі захоўваюцца ў музеях Беларусі і ў прыватных калекцыях Беларусі, Польшчы, Германіі, Чэхіі, Нідэрландах, Аўстрыі.