"Чазенія" Уладзіміра Караткевіча прагучыць на хвалях Беларускага радыё

Упершыню "Чазенія" Уладзіміра Караткевіча прагучыць на хвалях Беларускага радыё. Аўдыяспектакль паводле паэмы ў прозе ставіць Першы нацыянальны канал. Галоўныя ролі выканаюць народны артыст Віктар Манаеў, заслужаны артыст Валянцін Салаўёў. Усяго ў радыйную трупу ўвайшлі паўсотні акцёраў. Каманда ўжо пачала запіс. Кожны эпізод літаральна перанясе слухачоў на Далёкі Усход канца 60-ых з дапамогай музычнага суправаджэння.

Наперадзе апрацоўка гуку і мантаж. Радыёспектакль будзе падзелены на дзве часткі і прапанаваны ўвазе слухачоў напрыканцы верасня.