Праз два дні ў Александрыі разгорнецца вялікае свята

Александрыя - зноў збірае сяброў! Ужо праз два дні на беразе Дняпра разгорнецца вялікае летняе свята. Чакаецца больш за 100 тысяч гасцей. Запланаваны выступленні больш як паўтары тысячы артыстаў з 7 краін. Зараз ідуць апошнія падрыхтоўкі - афармленне галоўнай сцэны, гандлёвых радоў, а іх агульная даўжыня сёлета больш за кіламетр. Тэмай свята стаў Год малой радзімы. Яна лягла ў аснову тэатралізаванага прадстаўлення на галоўнай пляцоўцы з удзелам вядомых артыстаў. А другі дзень сёлета прысвецяць Дням культуры Украіны. У маштабным свяце прымуць удзел больш за 300 артыстаў з суседняй краіны.