Даніэль Ястрэмскі прыняў удзел у фотасесіі для дзіцячага "Еўрабачання

Прадстаўнік Беларусі на дзіцячым "Еўрабачанні" ў профіль і анфас! Напярэдадні наш удзельнік Даніэль Ястрэмскі прыняў удзел у фотасесіі. Для стварэння сакавітых кадраў з юным артыстам працавала вялікая каманда - стыліст, грымёр, дызайнер. Здымкі праходзілі ў студыі і пад адкрытым небам. За час фотасета Даніэль змяніў некалькі вобразаў. Здымкі ўпрыгожаць промапрадукцыю. Яе Даніэль прэзентуе журналістам падчас Еўратыдня. У промапакеце будуць традыцыйныя паштоўкі, постары і флэшкі.

Нагадаем, Даніэль - адзіны з 20-ці канкурсантаў, які не прыляціць, а прыедзе на гарадскім аўтобусе на дзіцячае "Еўрабачанне". Бо 16-ты міжнародны песенны конкурс ужо другі раз у гісторыі прымае беларуская сталіца. Шоу адбудзецца 25 лістапада ў "Мінск-Арэне".