Дзень Саюзнай дзяржавы на "Славянскім базары ў Віцебску"

Ізноў вяртаемся ў музычную сталіцу гэтых дзён. Літаральна праз некалькі хвілін на сцэне Летняга амфітэатра ў Віцебску загучаць мелодыі Саюзнай дзяржавы. Канцэртная пляцоўка збярэ знакамітых прадстаўнікоў двух славянскіх народаў. У зале чакаецца, як заўсёды, аншлаг. Пагрузіцца ў фэставае свята змогуць і гледачы тэлеканалаў "Беларусь 1" і "Беларусь 24". Пачатак прамой трансляцыі ў 22:00. Зрэшты, "Славянскі базар" - гэта не толькі канцэрты, а яшчэ і тая самая - адмысловая атмасфера. Тут на адных вуліцах, у адных магазінах і рэстаранах - артысты, вядомыя рэжысёры, акцёры тэатра і кіно і іх прыхільнікі. Чым яшчэ жыве горад у гэтыя дні, раскажа Ніна Мажэйка.

Афіцыйная праграма пад знакам двух скрыжаваных флагаў Беларусі і Расіі пачалася яшчэ раніцай. У міжнародным прэс-цэнтры. Сюды паклікалі акрэдытаваных на фэсце журналістаў. У нефармальнай абстаноўцы. За кубкам кавы.

Намеснік Дзяржаўнага сакратара Саюзнай дзяржавы разам з калегамі і партнёрамі па расійска-беларускім альянсе павіталі прадстаўнікоў прэсы і адказалі на іх пытанні. Паводле традыцыі, права пачаць гутарку далі мясцовым журналістам. І, вядома, першы трапіў не ў брыво, а ў вока - аб супрацоўніцтве і перспектывах. Якім быць. Уключаючы культурныя праекты.

Такі падыход дапамагае ва ўмацаванні сяброўства дзвюх краін. Насычаная праграма дзеліцца на два ўмоўныя блокі - афіцыйны і культурны. Апошні пачалі з візіту ў музей. Дакладней, Віцебскае народнае мастацкае вучылішча. Будынак - мясцовы архітэктурны рарытэт у стылі ампір. Адгэтуль пачынаўся сусветна вядомы віцебскі авангард. Шагал, Малевіч, Хідэкель, Лісіцкі... Іх лёсы перапляліся для новай філасофіі ў мастацтве.

У шчыльны льняны вузел запляліся расійска-беларускія ідэі, але ўжо ў дачыненні дызайну. Некалькі эксклюзіўных калекцый - вынік сумеснай творчасці айчынных дызайнераў і валагоцкіх каруначніц. Іх вырабы - па-сапраўднаму адзіночны тавар. Асвоілі тэхналогію прабабуль у вытворчых маштабах. Тым не менш, спрыт не страцілі.

Першакласны вакал і зорнае журы. Сапраўдныя прафесіяналы на сцэне і ў судзейскіх крэслах. Сёння ў канцэртнай зале "Віцебск" вырашалася конкурсная гісторыя ўдзельнікаў Міжнароднага конкурсу выканаўцаў эстраднай песні. У адборачным паўфінале яны выканалі эстрадныя хіты нацыянальнай вытворчасці. Так, упершыню на "Славянскім базары" прагучала дзяржаўная мова Гвінеі малінке. Але экзотыка не стала пропускам у фінал.

Усяго ж канкурсантаў 21. Гэта максімальная колькасць удзельнікаў па рэгламенце. Беларус Яўген Курчыч на сцэну выйшаў 8-м. Знак "бясконцасць" для яго стаў шчаслівым і перспектыўным. Тым больш, да выбару конкурснага матэрыялу артыст падышоў крэатыўна. Ён у фінале.

Ужо заўтра ў фіналістаў першая рэпетыцыя на легендарнай сцэне Летняга амфітэатра. У суправаджэнні Нацыянальнага акадэмічнага канцэртнага аркестра пад кіраваннем Міхаіла Фінберга. Прагон адбудзецца з раніцы і строга па раскладзе. Фэставым.