Душа і голас Беларусі: легендарнаму ансамблю "Песняры" - 55 гадоў!

Легендарнаму ВІА "Песняры" - 55! 1 верасня 1969 года "Лявоны" афіцыйна атрымалі назву, якая сёння асацыюецца ў мільёнаў прыхільнікаў з высокім узроўнем выканальніцкага майстэрства.

"Песняры" атрымалі не толькі ўсесаюзную славу, але і агульнасусветную. А мастацкі кіраўнік ансамбля - народны артыст Савецкага Саюза Уладзімір Георгіевіч Мулявін у тандэме са знакамітымі кампазітарамі зрабіў музычную рэвалюцыю - звязаў фальклор і класіку на эстрадзе. Сёння справу Мулявіна працягвае Беларускі дзяржаўны ансамбль "Песняры". Музыканты - па-ранейшаму жаданыя госці не толькі ў Беларусі, але і далёка за межамі краіны. У свой юбілейны год яны аб'ехалі амаль усю Расію. Зараз калектыў актыўна рыхтуецца да сольнага канцэрта ў Палацы Рэспублікі ў суправаджэнні Прэзідэнцкага аркестра Беларусі.

У вялікі музычны тур па творчасці легендарных "Песняроў" запрашаем сёння і гледачоў першай кнопкі. Падпявайце знакамітым хітам у праграме "Галоўны эфір".