Джазавыя вечары ля Ратушы ў сталіцы працягваюцца

Сёлета ў шостым музычным праекце па суботах - інструментальная і вакальная джазавая музыка розных стыляў і напрамкаў. Спецыяльна для ўдзелу ў канцэрце ў Мінск прыбыла амерыканская група «Джона Левайн Калектыв».

"Мы будзем выконваць, безумоўна, джазавую музыку на канцэрце ля Ратушы. У нас класічная адукацыя, таму мы працуем і ў іншых музычных стылях і напрамках, такіх як: хіп-хоп, сусветная класіка і сумяшчаем гэта з этнаматывамі. Мы імкнёмся імправізаваць. Нашаму калектыву 6 гадоў, усе мы разам вучыліся ва універсітэце Лос-Анжэлеса, таму давяраем адзін аднаму як у музыцы, так і асабіста".

"Я іграю на саксафоне і лічу, што гэта самы галоўны інструмент у джазе. Аднак усе нашы музыканты групы мультыінструменталісты, валодаюць многімі музычнымі інструментамі. Мы заўсёды здзіўляем сваёй імправізацыяй не толькі публіку, але і саміх сябе. Мінск мне вельмі падабаецца, асабліва гэты перыяд, калі дні такія доўгія, а ночы кароткія".

Квінтэт неаднаразова ўдзельнічаў у джазавых фестывалях Швейцарыі, Францыі, Германіі, Італіі і іншых краін.