Фільм аб жыцці і служэнні дзвюх святых - заступніц Беларусі і Расіі прэзентавалі на "Лістападзе"

Прэм'ера ў Дзень духоўнасці на кінафестывалі "Лістапад" - "Дзве Еўфрасінні. Радасць зямлі рускай" - дакументальная карціна да 25-годдзя Саюзнай дзяржавы.

Фільм расказвае аб жыцці і служэнні дзвюх святых заступніцы нашых зямель - Беларусі і Расіі.

У здымках прымалі ўдзел Патрыяршы Экзарх усяе Беларусі мітрапаліт Мінскі і Заслаўскі Веніямін, намеснік маскоўскага Срэценскага манастыра ігумен Ян, святары, гісторыкі і сведкі цудаў дзвюх святых Еўфрасіннь.

Фільм зняты тэлеканалам "Спас" пры падтрымцы Саюза кінематаграфістаў Беларусі з нагоды прынясення ў верасні і кастрычніку бягучага года каўчэга з мошчамі прападобнай Еўфрасінні Полацкай у епархіі Расіі і каўчэга з мошчамі прападобнай Еўфрасінні Маскоўскай у епархіі Беларускай праваслаўнай царквы. Амаль за два месяцы святым змаглі пакланіцца тысячы вернікаў.

Працягне праграму Дня духоўнасці прэзентацыя дакументальнага фільма журналіста Алены Борматавай і рэжысёра Кацярыны Пеленічэнкі "За паству і Айчыну". Упершыню карціна "Першага інфармацыйнага" ўдзельнічае ў нацыянальным конкурсе Мінскага міжнароднага кінафестывалю "Лістапад".