Гомель на некалькі дзён стаў літаратурнай сталіцай

Паэты і пісьменнікі з Беларусі, Расіі і Украіны прыбылі на Міжнародны фестываль "Славянскія літаратурныя дажынкі". Праекту 13 гадоў. Ён ужо стаў брэндам Гомельскай вобласці. Удзельнікі прапануюць працы ў 4 намінацыях, 2 з якіх прысвечаны жыццю і творчасці паэта, лаўрэата Дзяржаўнай прэміі Беларусі Анатоля Грачаннікава. Дарэчы, у дзень адкрыцця фестывалю ў гонар 80-годдзя з дня нараджэння знакамітага земляка ў Гомелі адкрылі мемарыяльную дошку з яго імем.

Даўнім партнёрам па творчасці з Расіі і Украіны сёння ўручылі падзякі. Таксама ўзнагароды атрымалі пераможцы рэгіянальнага літаратурнага конкурсу "Праваслаўе - мая надзея". Удзел у ім сёлета прынялі паўсотні аўтараў, лепшыя выбраны ў 5 намінацыях.