Інтэрактыўная выстава музычных інструментаў адкрылася ў Мінску

Інтэрактыўны музей музыкі ў Мінску. Арт-пляцоўка – у гістарычным цэнтры сталіцы на вуліцы Кірыла і Мяфодзія. На адным паверсе сабрана больш за 60 інструментаў: арфы, раяль і нават старадаўняя індыйская гітара - сітар. Да кожнага экспаната можна дакрануцца. А яшчэ наведвальнікі змогуць даведацца, адкуль у розных музычных інструментах нараджаецца гук.

Музей падзелены на некалькі зон. Адна з іх прысвечана гукатэрапіі. У невялікім пакоі – мяккае крэсла, а вакол – музычныя інструменты, якія ўплываюць на настрой і нават здароўе чалавека. Напрыклад, шум мора і спецыяльныя званочкі спрыяюць рэлаксу.