Інтрыга захоўваецца на "Славянскім базары ў Віцебску"

Літаральна праз гадзіну тут пачнецца першы фінал міжнароднага конкурсу выканаўцаў эстраднай песні. Канкурсанты выканаюць "Славянскі хіт". Варта адзначыць, што праграма фестывалю насычаная мерапрыемствамі самага рознага фармату. У Летнім амфітэатры сёння прайшоў юбілейны канцэрт кампазітара Аляксандра Марозава. Сёлета менавіта ён узначальвае журы конкурсу. Але, бадай, самай яркай і крэатыўнай падзеяй стаў Дзень моладзі. Арт-парад, фестываль танца, моладзевых субкультур і здаровага ладу жыцця, а яшчэ выставы і перформансы. Моладзевае свята працягваецца і ў гэтыя хвіліны. Зараз на плошчы Перамогі ідзе бітва дыджэяў.

Падрабязна аб падзеях "Славянскага базару" раскажа наш карэспандэнт Вольга Маслоўская. Фестываль у рэжыме нон-стоп. Мінулай ноччу апошні канцэрт завяршыўся з першымі промнямі сонца, і ўжо раніцай новыя рэпетыцыі і саўнд-чэкі. "Славянскаму базару" мала адных сутак і не дастаткова адной сцэны. Нават такой вялікай, як сцэна Летняга амфітэатра. Дзень аддадзены рэпетыцыям, каб вечарам здзівіць гледача. Кубінская канкурсантка Рэбека Эмбіль перад выступленнем беражэ звязкі. Камфортных плюс 22 для яе голасу мала. Украінка Міла Ніціч, якая эфектна скінула ў паўфінальным выступленні туфлі, пакуль на сцэне стрыманая. Але яшчэ не вечар.

Перад беларускім канкурсантам Яўгенам Курчычам сёння стаіць няпростая задача. У якасці песні для першага дня фіналу ён выбраў кампазіцыю Уладзіміра Мулявіна.

Беларус выйдзе на сцэну пад дзявятым нумарам. Сёння маладыя выканаўцы будуць выступаць у суправаджэнні Нацыянальнага акадэмічнага канцэртнага аркестра Беларусі пад кіраваннем Міхаіла Фінберга. Прамую трансляцыю з Летняга амфітэатра будзе весці Белтэлерадыёкампанія. Па вопыт асвятлення такіх маштабных праектаў, як "Славянскі базар", прыязджаюць тэлевізіёншчыкі з розных краін свету. Дзякуючы супрацоўніцтву віцебскі фестываль ведаюць на ўсіх кантынентах.

Па ўсім свеце праз сацсеткі разлятаюцца з Віцебска і фатаграфіі. Сваімі ўражаннямі ад фестывалю дзеляцца артысты.

Некалькі абнаўленняў, прысвечаных канцэрту ў горадзе над Дзвіной, паспелі ўбачыць падпісчыкі Instagram Мікалая Баскава.

Актыўна выкладваюць фатаграфіі шчасліўчыкі, якім удалося сфатаграфавацца з зоркамі фестывалю.

А яны, у сваю чаргу, не стамляюцца прызнавацца ў любові "Славянскаму базару".

Віцебскі фестываль любяць за тое, што ён розны. Яркім і незабыўным гэты дзень зрабіла моладзь. На "Славянскім базары" дзень маладых і крэатыўных. Арт-парад сабраў прадстаўнікоў самых папулярных напрамкаў моладзевага жыцця. На плошчы Перамогі месца знайшлося для спартсменаў, танцораў, мастакоў.

Модныя і накіраваныя наперад, яны памятаюць мінулае. Да Вечнага агню ўдзельнікі Дня моладзі ўсклалі кветкі.

У гэтыя хвіліны моладзевае свята працягваецца. На бітву дыджэяў уваход бясплатны. Да позняй ночы ў святле ліхтароў здзіўляць публіку будуць і ўдзельнікі фэсту вулічнага мастацтва. Апоўначы - вогненная шоу-праграма і музычны паказ "Біт сямі вятроў".