Вядомая актрыса Іна Чурыкава сёння адзначае юбілей

Народнай артыстцы СССР - 75. Яе фільмаграфія шырокая, а ролі дзівяць сваёй разнастайнасцю.

Марфуша з "Марозкі", горкаўская Васа Жэлязнова, пакінутая жонка Мюнгхаўзена ў легендарнай карціне Марка Захарава. Чурыкава здымалася не толькі ў фільмах мужа Глеба Панфілава, але і ў Канчалоўскага, Тадароўскага, Міхалкова. Зараз яна таксама працягвае акцёрскую кар'еру - у 2011-ым з'явілася ў фільме "Стомленыя сонцам - 2". І вось ужо паўстагоддзя актрыса аддае сцэне роднага Ленкама. З Днём нараджэння народную артыстку СССР Іну Чурыкаву павіншаваў Прэзідэнт Беларусі Аляксандр Лукашэнка.