Мастацкі музей Беларусі рыхтуецца да падпісання пагаднення аб супрацоўніцтве з Нацыянальным музеем Княства Ліхтэнштэйн

У Мінск прыбыў дырэктар галоўнага сховішча каштоўнасцяў заходнееўрапейскай краіны Райнер Фалькомер. Ён азнаёміўся з дзеючымі выставамі, а таксама вывучыў фонды. У планах - наведванне сталічных выставачных пляцовак. Цырымонія падпісання дакумента адбудзецца заўтра. Пагадненне паміж музеямі будзе складзена на год з правам на падаўжэнне.

Бакі ўжо працуюць над сумеснымі праектамі. Так, у сакавіку абранае з калекцыі беларускага сакральнага жывапісу адправіцца на экспанаванне ў Нацыянальны музей Княства Ліхтэнштэйн.