Коні сталі тэмай міжнароднага праекта двух музеяў

Адны з самых любімых і папулярных анімалістычных фігур - коні - сталі тэмай міжнароднага праекта Нацыянальнага мастацкага музея Беларусі і музея Паўднёвага Падляшша ў Польшчы. Некалькі гадзін назад на галоўнай выставачнай пляцоўцы краіны адбылася ўрачыстая прэзентацыя экспазіцыі. У яе ўвайшлі больш за 200 твораў розных эпох, стыляў, жанраў і кірункаў. Цэнтральны вобраз - найвысакароднейшая з жывёл.

Самым арыгінальным арт-аб'ектам выставы стала трохметровая фігура ля ўваходу ў музей. Гэта княжы конь з залатой падковай на шчасце. Твор знакамітага скульптара Сяргея Бандарэнкі, які спецыяльна для гэтай выставы прыдумаў і стварыў імправізаваны помнік каню.