Лошыцкая сядзіба запрашае ўбачыць, "Куды плывуць аблокі"

Тут адкрылася выстава пад такой назвай. Свае работы дэманструюць два аўтары: Ганна Сілівончык і Васіль Пяшкун. Адзін з творцаў стварае нацюрморты выключна з натуры. Жывапісец працягвае традыцыі беларускага рэалістычнага мастацтва. Для яго крыніца прыгажосці і энергіі - сама прырода. Натхненне ж Ганны - сама імправізацыя. Яе героі - неверагодныя вобразы і казачныя жывёлы.

Сумесная экспазіцыя "Куды плывуць аблокі" аб'ядноўвае зусім розных па стылі мастакоў і працягнецца да 20 кастрычніка ў выставачнай галерэі Лошыцкай сядзібы.