Мелодыі з душой, хроніка вызвалення, гама Вялікай Перамогі - "Праменад" ведае, як з карысцю правесці выхадныя

"Сіняя хустачка", "Кацюша" і "Тры танкісты" - мелодыі з душой адказныя за музычныя фарбы суботы, 22 чэрвеня. Зала Александроўскай у Вялікім тэатры Беларусі запрашае на гераічнае канцэртнае прысвячэнне "Нам патрэбна адна перамога". Праспяваюць народныя і заслужаныя тэмбры Беларусі.

Хроніку вызвалення Беларусі паказвае Нацыянальная бібліятэка. Інтэлектуальны алмаз абапіраецца выключна на дакументальныя факты. А гаму Вялікай Перамогі ў адзінае палатно беларускія аўтары сабралі ў Палацы мастацтва.

Больш падрабязна пра экспазіцыі, прысвечаныя Вялікай Айчыннай і Перамозе, - у рубрыцы "Праменад". "Колеры Вялікай Перамогі" ў Палацы мастацтва. Рэспубліканская арт-галерэя прэзентавала прысвячэнне 80-годдзю вызвалення Беларусі. 1 тыс. выставачных квадратных метраў прымае творы трох творчых саюзаў Беларусі: мастакоў, архітэктараў і дызайнераў.

Боль успамінаў на палатне, мове манументалістыкі, дэкаратыўна-прыкладнога і плакатнага мастацтва. Гавораць і паказваюць адразу 120 аўтараў. Беларуская арт-школа прапануе не проста глядзець на трагедыю, а даведацца аб цане міру праз тры сотні маніфестаў. Колер выцвелай гімнасцёркі тут роўны гаме Перамогі, а вайна апраўлена ў металічныя рамкі.

У Палацы мастацтва дэманструюць памяць манументальную: ад кампактных абеліскаў да мемарыяльных комплексаў. Толькі за мінулы сезон колькасць мясцін, свяшчэнных для кожнага беларуса, стала большай за 7 тысяч. Абсталёўваюць кожнае месца памяці рукі і сэрцы членаў Саюза архітэктараў.

У залах раскадроўка сапраўды гістарычнага матэрыялу: ад знакавых мемарыяльных комплексаў эпохі Саветаў - Кургана Славы, Брэсцкай крэпасці і Хатыні да аб'ёмных мадэляў, створаных ужо ў незалежнай Беларусі. Подзвіг народа ствараюць на стагоддзі.

Палатно Перамогі не напісаць без гісторыі вязняў нацысцкага лагера смерці Азарычы. За 10 дзён існавання пекла на зямлі забрала жыцці 20 тысяч чалавек. Фашысты ўпершыню прымянілі бактэрыялагічную зброю. Драму на мову жывапісу і графікі пераклалі аўтары Гомельшчыны.

Праўдзівыя сюжэты алеем і не толькі (а разам з імі і гістарычная праўда) будуь дэманстравацца ў Палацы мастацтва да ліпеня ўключна.