Мінчанка Дар'я Свірыдонава стварае серыі вязаных герояў

Адпачынак, які пераўтварыўся ў сур'ёзнае творчае захапленне. Мінчанка Дар'я Свірыдонава вось ужо восем год стварае непаўторных вязаных герояў. Цэлыя серыі нітачных жыхароў - невялікія конікі, навагоднія героі альбо серыя абдымашак. Наталля Кезік завітала да майстрыхі.

З іголкай і лямцам у руках некалькі гадзін запар. Тэхніку валяння для ўпрыгажэння сваіх вязаных герояў Дар'я Свірыдонава выкарыстоўвае нядаўна. Праца даволі ёмістая і займае шмат часу - лямец убіваць неабходна тонкай іголкай. На стварэнне знешняга выгляду цацкі можа спатрэбіцца не адзін вечар.

Вязанымі героямі ІТ-тэсціроўшчык Дар'я Свірыдонава захварэла восем гадоў таму. Кручок і клубок нітак брала ў рукі пасля працы, каб адпачыць. Зараз у калекцыі - больш за дзве тысячы звязаных цацак. Кожная з іх - непаўторная зроблена па індывідуальнай задумцы.

Зараз Дар'я стварае цэлыя серыі цацак. Навагоднія героі, драконы, феі-матылькі, з дзясятак рознакаляровых поні. Зараз у топе - серыя герояў-абдымашак - кожная цацка не адзінокая, а з любімым прадметам у руках.

Па сваёй адукацыі Дар'я эканаміст, майстар валодае пяццю мовамі. Зараз працуе ў сферы ІТ. Але гэта не перашкаджае ў вольны час ствараць рознакаляровых і незвычайных герояў з нітак. Захапленне цалкам падтрымліваюць родныя. Таму майстар па вязанні перыядычна запаўняе ўсе паліцы і шафы ў кватэры рознакаляровай пражай, аксэсуарамі альбо гатовымі цацкамі.