Нацыянальная кніжная палата Беларусі адзначае векавы юбілей

Векавы юбілей 25 чэрвеня адзначае Нацыянальная кніжная палата Беларусі. Гэта цэнтр рэгістрацыі ўсіх друкаваных выданняў, што выходзяць на тэрыторыі краіны: ад кніг, часопісаў і газет да лістовак і плакатаў. За мінулы сезон у Беларусі ўбачылі святло 19,7 млн экзэмпляраў кніг.

Прысваенне міжнародных кніжных нумароў і служба стандартызацыі - таксама задачы Кніжнай палаты. Яе фонды захоўваюць выдавецкую прадукцыю Беларусі, пачынаючы з 1920-х гадоў, - звыш 4 млн экзэмпляраў.

З 2012 года ўсе выданні рэгіструюцца ў інфармацыйнай сістэме. Сёння там каля 2 млн бібліяграфічных запісаў. Сама ж сістэма распрацаваная ў рамках дзяржпраграмы "Электронная Беларусь".