Некалькі творчых рэкордаў плануюць устанавіць падчас "Славянскага базару"

У гонар пяцігадовага юбілею праекта "Лялечны квартал" адкрыецца маштабная выстава лялек. Гэта сотні ўнікальных персанажаў, якія былі задзейнічаныя ў самых розных спектаклях. У афішы праекта гэтага года калектывы з Беларусі, Расіі і Украіны.

Аляксандр Сідарэнка, дырэктар Міжнароднага фестывалю мастацтваў "Славянскі базар у Віцебску": 

"У рэпертуары многіх лялечных тэатраў вялізная колькасць спектакляў. Але многія лялькі потым проста захоўваюцца доўгія гады дзесьці на паліцах. Ёсць унікальная магчымасць паглядзець лялькі ручной работы, работы выдатных мастакоў".

Свята ў Віцебску аб'яднае прадстаўнікоў больш як 40 краін. На "Славянскім базары" разгорнецца амаль дзесяць кіламетраў гандлёвых радоў. У горадзе ўжо працуюць супрацоўнікі тэхнічных службаў. Акрэдытацыя гасцей і ўдзельнікаў фестывалю пачнецца ў суботу.