Новы храм Іаана Прадцечы з'явіцца праз год у Мінскім раёне

Сёння тэрыторыю пад будаўніцтва ў аграгарадку Шаршуны асвяцілі з бласлаўлення мітрапаліта Мінскага і Заслаўскага Паўла. Літаральна адразу пасля сённяшняга малебна пачнецца падрыхтоўка плошчы і ўзвядзенне будынка. Храм будзе для Беларусі ўнікальным - найперш архітэктурай. Першым у старажытным візантыйскім стылі. Увесь комплекс - гэта царква для паўтары сотні прыхаджан, капліца і дзіцячая пляцоўка.

Будаўніцтва храма стала магчыма дзякуючы мецэнату з Расіі, бізнесмену Міхаілу Гуцэрыеву. За дваццаць гадоў ён узвёў каля чатырох дзясяткаў храмаў, мячэцяў і сінагог.

Дарэчы, заўтра ў праваслаўных свята - нараджэнне прарока Іаана Прадцечы. У гонар хрысціцеля богаслужэнні пройдуць у храмах па ўсёй краіне.