Першы выпуск па спецыялізацыі "Сучасны танец"

Зламаць стэрэатыпы аб дзяржаўных экзаменах змаглі будучыя харэографы. Першы выпуск спецыялізацыі "Сучасны танец" Белдзяржуніверсітэта культуры і мастацтваў здзівіў гледачоў не толькі пластыкай і артыстызмам. Выпускнікі выкарыстоўвалі візуальную тэхніку, эксперыментавалі са святлом і музыкай, а галоўнае - сучасны іспыт перанеслі з залы ўніверсітэта ў нестандартнае памяшканне былога завода ў стылі лофт.

Паўплываць на вынік маглі і гледачы - менавіта ад іх рэакцыі на выступленне залежыла экзаменацыйная ацэнка выпускнікоў.