Песня для дзіцячага "Еўрабачання". Сёння фінал нацыянальнага адбору

Менш за гадзіну застаецца да гранд-фіналу нацыянальнага адбору на дзіцячае "Еўрабачанне". Сёння Беларусь выбера сваю песню для міжнароднага вакальнага конкурсу, які ў лістападзе прымае менавіта наша сталіца. У прамым эфіры нацыянальны фінал праекта пакажуць тэлеканалы "Беларусь 1" і "Беларусь 24", а таксама сайт медыяхолдынга tvr.by. Трансляцыя гала-канцэрта будзе весціся з суседняй студыі тэлепавільёна "600 метраў".

Там зараз працуе мая калега Іна Пілевіч. Яна выходзіць з намі на прамую сувязь (прамое ўключэнне).

Пляцоўка сёлета ўпрыгожаная ў стылістыцы слогана маючага адбыцца дзіцячага "Еўрабачання" - Light up або "Запальвай". Таму велічэзны экран высокай дакладнасці задрапіравалі такім чынам, што сцэна быццам парыць у зорным небе! Удзельнікі ўжо добра знаёмыя з пляцоўкай - яны рэпеціравалі свае нумары на працягу трох дзён. Генеральны прагон завяршыўся літаральна некалькі гадзін таму. Гэтым вечарам юныя вакалісты будуць здзіўляць нестандартнай падачай кампазіцый - у нумарах задзейнічаюць самакат, парасонікі ў форме зорачак, сэлфіпалку - адзін з прэтэндэнтаў плануе падчас выступлення выйсці ў прамы эфір з свайго акаўнта ў сацсетцы. Таксама ўпершыню ў гісторыі нацыянальнага адбору на дзіцячае "Еўрабачанне" будзе скарыстаны лазер. Дарэчы, рэпетыцыю сёння наведаў генеральны партнёр міжнароднага дзіцячага конкурсу "Еўрабачанне 2018" - кампанія "Беллакт". Усе ўдзельнікі атрымалі ад партнёра падарункі. Яшчэ больш прызоў - у фінале гала-канцэрта. А я прапаноўваю паглядзець, як гэта было.

Пакуль вы глядзелі інтэрв'ю, я практычна тэлепартавалася. А калі сур'ёзна, перайшла ў грын-рум, які абсталяваны прама ля ўваходу ў тэлевізійны павільён. І гэта ўпершыню ў гісторыі нацыянальнага адбору на дзіцячае "Еўрабачанне".

Іна Пілевіч аб апошніх падрыхтоўках да фінальнага гала-канцэрта нацыянальнага адбору на дзіцячае "Еўрабачанне". Нагадаю, прамая трансляцыя на нашым канале стартуе ў 22:00.