"Песняры" выступяць у Аляксандраўскім скверы Мінска 27 ліпеня

Летнія душэўныя канцэрты. Беларускі дзяржаўны ансамбль "Песняры" сёння вечарам выступіць у Аляксандраўскім скверы. Калектыў з легендарнай гісторыяй прыедзе ў родны Мінск літаральна з карабля на баль - музыканты знаходзяцца ў шчыльным гастрольным графіку.

Турнэ прымеркавана да вялікага юбілею ансамбля. 1 верасня "Песнярам" споўніцца 55 гадоў! У гонар прыгожай даты праехалі з канцэртамі блізкае замежжа. Толькі на гэтым тыдні "Песняроў" прымалі ў Сімферопалі і Волагдзе, у тым самым горадзе, дзе ў доме з разьбяным палісадам жыве любімы адрасат. Гэту кампазіцыю выканалі напярэдадні на гарадской плошчы.

Летнія канцэрты з удзелам майстроў мастацтваў Беларусі праходзяць па суботах з 16:00 да 17:30 у Аляксандраўскім скверы, які размешчаны побач з Нацыянальным акадэмічным тэатрам Янкі Купалы. Адразу пасля паказу музыканты працягнуць падрыхтоўку да юбілейнага канцэрту ў суправаджэнні заслужанага калектыву - Прэзідэнцкага аркестра Рэспублікі Беларусь. Ён адбудзецца ў лістападзе.