"Праменад па Хельсінкі" ў Мінску

Культурнае падарожжа ў Фінляндыю! У Цэнтры сучасных мастацтваў Беларусі адкрылася выстава карцін аб Хельсінкі. Правадырамі на ўзбярэжжа Фінскага заліва сталі двое мастакоў - Марк Лангбейн і Міка Цёронен. Славутасці і нязведаныя месцы "дочкі Балтыйскага мора" - у акварэлі. Больш як 30 гарадскіх краявідаў даставілі прамым рэйсам спецыяльна для экспазіцыі.

Гэта ўжо трэці беларуска-фінскі праект у сферы выяўленчага мастацтва. Ідэйны натхніцель - аддзяленне Пасольства Фінляндыі ў нашай краіне.