Рэдкія экспанаты і перамогі беларускага спорту дэманструюцца ў Жодзінскім краязнаўчым музеі

Праект Жодзінскага краязнаўчага музея пад назвай "О, спорт, ты - свет!" сабраў тысячы экспанатаў мясцовых калекцыянераў: амуніцыю, вымпелы, афішы, значкі і кнігі.

Збор атрымаўся унікальным - у яго ўвайшлі прадметы розных гадоў і розных краін, у тым ліку і атрыбутыка, звязаная з міжнароднымі чэмпіянатамі і Алімпійскімі гульнямі.

Асаблівая старонка - беларускія спартыўныя дасягненні і поспехі мясцовых - жодзінскіх - спартсменаў.

Самы рэдкі экспанат выставы - праграмка футбольнага стадыёна імя Берыі за 1941 год. Уладальнік рарытэта - жодзінец Анатоль Лютарэвіч. У зборы калекцыянера ёсць спартыўныя праграмкі з усіх гарадоў былога Савецкага Саюза.