Рубрыка "Праменад" аб культурных падзеях Мінска

ў Лошыцкую сядзібу вяртаецца класіка. Заўтра - адкрыццё майскага музычнага сезона. Скрыпічныя сюіты ад ансамбля музычнага каледжа імя Глінкі. Акрамя таго, у гэтыя выхадныя апошняя магчымасць рэфлексіраваць пад творы чатырох мастакоў, якіх аб'яднаў Палац мастацтва. І наш культурны "Праменад" не абыдзецца сёння без прэм'ер.Доўгачаканае для асалоды - ад Лідзіі Заблоцкай.

На сцэне Вялікага зноў, як паўстагоддзя таму, разліваецца "Лебядзінае возера". Гучная прэм'ера ў Мінску ўжо заўтра. Зараз класічны балет 1937 года - другі ў свеце пасля Будапешта. Нават Масква не захавала сусветную пастаноўку Вялікага тэатра СССР.

Казку пра лёсавызначальнае паляванне для прынца Зігфрыда ў першым балетным прачытанні аднавіў майстар Валянцін Елізар'еў. Нічога новага і з нуля прыдуманага. Народны артыст СССР вярнуў у пастаноўку забытыя фрагменты - той жа рускі танец і лебядзіныя па. Дарэчы, аркестр выканае дарэвалюцыйную партытуру.

На сцэне - фактычна харэаграфічная кампіляцыя ад пяці пастаноўшчыкаў. Сучасны выгляд усёй сцэнаграфіі - ад народнага мастака Расіі Вячаслава Окунева.

Не толькі Вялікі вырашыў узяць добра забытае старое і перакласці на цяперашні лад. У Цэнтры сучасных мастацтваў выставілі аўтарскія рушнікі. Погляд на роднае - ад лаўрэатаў нацпрэміі ў галіне выяўленчага мастацтва.

Мастацкая графіка на тэкстылі - справа Алы Непачаловіч, яна пайшла з жыцця ў студзені гэтага года. Больш за 40 гадоў была «рухавіком» айчыннага ткацтва і габелена. Расіянка, у якой галоўным выкладчыкам быў Павел Масленікаў, уручную вышывала нацыянальны арнамент і рабіла яго стыльным і мінімалістычным.

За захаванне традыцый - дыпломы лаўрэата рэспубліканскага трыенале і міжнародных фестываляў у Расіі. Не менш прызнанае імя - у экспазіцыі літаральна за сценкай. Беларускі этнасюррэалізм ад Алёны Шлегель.

Як і многія прадстаўнікі творчай багемы, аўтар прайшла шлях ад вучылішча імя Глебава да беларускай Акадэміі мастацтваў.

Атрымаць асалоду ад сапраўднага мастацтва зможаце не выходзячы з дома, калі бар'ерам для вас стануць ліўні. Напрыклад, замест пакупкі білета ў партэр філармоніі - уладкоўваемся ля экранаў і назіраем у прамым эфіры за міжнародным харавым конкурсам імя Віктара Роўды. Да 100-годдзя з дня нараджэння маэстра. Праект правядуць ўпершыню, а на імправізаванай анлайн-пляцоўцы на працягу бліжэйшых трох дзён - амаль 7 дзясяткаў хароў. Ад Амерыкі да Кітая.

Конкурс разнастайны ў намінацыях: міжнароднае журы праслухае народную, духоўную і госпел-музыку ад тысячы вакалістаў розных ўзростаў і паралельна на YouTube правядзе некалькі майстар-класаў.

Выступленне хору кітайскіх студэнтаў, калектыў карэйскай культуры і татара-башкірскі фальклорны ансамбль можна ўбачыць не толькі на экране, а і на сцэне Белдзяржфілармоніі. У Малой зале - міжнароднае свята нацыянальных культур. У афішы заўтра ў 16 гадзін. Варыянтаў для асалоды мноства. Шукайце іх на сайце БТ.