Рухаўскія дываны могуць трапіць пад ахову ЮНЕСКА

Тэхналогія вырабу незвычайнага атрыбуту інтэр'ера Старых Дарог можа быць уключана ў Дзяржаўны спіс гісторыка-культурных каштоўнасцей Беларусі. Тэхналогія вырабу карцін з саломы на чорным палатне з'явілася ў 50-я гады мінулага стагоддзя ў невялікай вёсцы Рухава пад Старымі Дарогамі. Тады незвычайныя вырабы славіліся на ўвесь Савецкі Саюз. Зараз у райцэнтры рамёстваў тэхналогію вырабу дываноў на майстар-класах выкладаюць і дзецям, і дарослым.

У музеях Беларусі сёння захоўваюцца тры рухаўскія дываны. У Старадарожскім цэнтры рамёстваў - з дзясятак экспанатаў. Рухаўскія дываны таксама ўпрыгожваюць сцены дамоў мясцовых жыхароў.