"Захаваць Беларусь для будучыні" - канцэрт у гонар Перамогі

На патрыятычнай хвалі Мінская вобласць. У Мар'інай Горцы канцэрт далі студэнты Мінскага дзяржаўнага каледжа мастацтваў. Мовай харэаграфіі і вакалу, ігрой на музычных інструментах яны выказалі сваю павагу героям пераможнага мая і падзяку за мірныя гады. Са сцэны гучалі песні ваеннай пары і сучасныя кампазіцыі. Рэжысёрамі канцэрта і выканаўцамі нумароў выступілі самі навучэнцы каледжа, ім дапамагалі і выпускнікі навучальнай установы.

Такія выязныя студэнцкія канцэрты навучэнцы Мінскага каледжа мастацтваў ладзяць ужо больш за дзесяць гадоў. У розных гарадах і на розных канцэртных пляцоўках іх традыцыйна сустракаюць апладысментамі.