"Спячую прыгажуню" пакажуць у Вялікім тэатры

Вялікі тэатр Беларусі пяты раз трывожыць сон прыгажуні з балета Пятра Чайкоўскага і Марыуса Пеціпа. Зараз хараэграфічны тэкст беражліва пераносяць у рэпетыцыйныя залы, а эскізы - у сцэнічныя ўборы для балета - феерыі ператвараюць у маляўнічым цэху. У кулуарах "Cпячую прыгажуню" ўжо называюць спектаклем, абгорнутым кіламетрамі цюлю. Толькі на адзін пачак выкарыстоўваюць амаль 16 метраў тканіны. Усяго да прэм'еры апрануць 325 артыстаў. Ператварэнне чакае і акадэмічныя падмосткі. Харэаграфічную рэдакцыю Валянціна Елізар'ева абрамяць у мяккія дэкарацыі. Дададуць і свежых фраз ад класіка - адкрыюць купюры. У тэатры вядзецца літаральна хірургічная праца па ўдакладненні партытур і агогікі Чайкоўскага.

Як завяшчаў Шарль Перо, злыя чары рассеяцца, але не праз 100 гадоў, а куды хутчэй. "Спячую прыгажуню" ўзору 2022-га ўбачым напярэдадні Сусветнага дня тэатра. Прэм'еру з палацавым размахам дадуць 26 сакавіка. Дарэчы, папярэдні склад выканаўцаў галоўных партый ужо зацверджаны. Так, толькі на ролю Аўроры прэтэндуе адразу 5 балерын і 4 прэм'еры на партыю прынца Дэзірэ.