Два шэдэўры сакральнага мастацтва папоўнілі фонды Нацыянальнага мастацкага музея Беларусі

Эксклюзіў Агенцтва тэленавін - наша здымачная група першай дэманструе вам абразы Свяціцеля Мікалая пачатку ХХ стагоддзя і Пакрову Прасвятой Багародзіцы ХІХ стагоддзя. Яны былі набытыя ў прыватных калекцыянераў на сродкі мецэната, які пажадаў застацца інкогніта. Унікальнасць абразоў у тым, што яны былі напісаныя стараверскімі майстрамі на тэрыторыі былога Бабруйскага павета. Мастакі прытрымліваліся візантыйскага і рускага ўзору іканапісу.

Усяго ж у фондах Нацыянальнага мастацкага музея захоўваецца каля 550 абразоў і алтарных карцін. Самая старажытная датаваная ХV стагоддзем. Нядаўна набытыя экспанаты выставяць у новым комплексе Музейнага квартала, будаўніцтва якога зараз актыўна вядзецца ў сталіцы.