Старадаўняя свецкая мода і вайсковае абмундзіраванне - на выставе ў Лошыцкай сядзібе

У што апраналіся беларусы ў XIX стагоддзі? Старадаўняя свецкая мода і вайсковае абмундзіраванне - на выставе ў Лошыцкай сядзібе. Тут рэканструкцыі паўсядзённых, бальных і вячэрніх строяў, што ў тыя часы насілі жыхаркі Беларусі, а таксама мужчынскія вайсковыя мундзіры. Цікавым дапаўненнем выставы з'яўляюцца аўтэнтычныя аксесуары эпохі з прыватнай калекцыі.

Эскізы касцюмаў выконваліся паводле арыгінальных мадэляў адзення першай паловы XIX стагоддзя. Крыніцамі натхнення былі мастацкія творы і публікацыі той эпохі. Мадэлі выраблялі з выкарыстаннем натуральных тканін. Натхніцца ўсімі асаблівасцямі вобразаў XIX стагоддзя можна да 9 верасня.