Стартаваў продаж білетаў на дзіцячае "Еўрабачанне-2018"

Ацаніць на свае вочы грандыёзнае шоу 25 лістапада на "Мінск-Арэне" даступна па дэмакратычнай цане. Кошт вар'іруецца ад 6 да 12 рублёў. Білеты можна набыць як у касах сталіцы, так і анлайн на сайтах BуСard і Белтэлерадыёкампаніі tvr.by ў раздзеле "Дзіцячае "Еўрабачанне". Усяго ў продаж паступілі 22 тысячы білетаў - на фінал і яго генеральны прагон. Частка білетаў ужо зарэзерваваная - запрашэнне на шоу атрымаюць выхаванцы дзіцячых дамоў і адораныя дзеці.

"Прапануем наведаць 2 мерапрыемствы - 24 лістапада і 25 лістапада. Гэта абсалютна люстраныя канцэрты з пралогам, інтра, з усімі выступленнямі. Для тых, хто з "Еўрабачаннем" добра знаёмы, той ведае, што гэта такое. Гэта генеральная рэпетыцыя, але гэта паўнавартасны канцэрт. Адзінае выключэнне - у ім няма галасавання гледачоў".

Белтэлерадыёкампанія як арганізатар і каардынатар усіх мерапрыемстваў конкурсу вядзе актыўную падрыхтоўку да шоу. Мастакі медыяхолдынга распрацавалі дызайн гарадскога афармлення. Яркі лагатып конкурсу - сімвал "Зорка" - заззяе па ўсёй сталіцы. Мінск упрыгожваюць расцяжкамі над праезнай часткай, плакатамі, білбордамі, інфармацыйнымі паказальнікамі.

Напярэдадні прадстаўнік нашай краіны на конкурсе Даніэль Ястрэмскі прыняў удзел у фотасесіі. Для стварэння яркіх кадраў з юным артыстам працавала вялікая каманда - стыліст, грымёр, дызайнер. Здымкі праходзілі ў студыі і пад адкрытым небам. Гэтыя здымкі ўпрыгожаць промапрадукцыю. Яе прэзентацыя адбудзецца падчас еўратыдня.