Тэатралізаваныя экскурсіі праходзяць у Нясвіжскім замку

Навінка сезона: тэатралізаваныя экскурсіі ў Нясвіжскім замку. Барбара Радзівіл, Бона Сфорца - выявы гістарычных герояў можна сустрэць у сучасным музеі-запаведніку ў якасці экскурсаводаў.

Сведкі гістарычных падзей, якія адбываліся тут на працягу 5 стагоддзяў, ажываюць па выхадных. Яны праводзяць віктарыны, розыгрышы, задаюць тэматычныя пытанні наведвальнікам Радзівілаўскай рэзідэнцыі.

Праект тэатральных экскурсій распрацоўвалі навуковыя супрацоўнікі нацыянальнага гісторыка-культурнага музея-запаведніка "Нясвіж". У летні перыяд гасцей замка чакаюць новыя сюжэты з удзелам гістарычных герояў.