У афішы Тэатра-студыі кінаакцёра новы спектакль. А вы ўжо бачылі філасофскую камедыю?

Новы спектакль пазначаны ў афішы Тэатра-студыі кінаакцёра. Камедыя - адаптацыя вядомай п'есы "Вячэра з дурнем" Франсіса Вебера, якая даследуе камічныя аспекты чалавечых адносін.

Чарговы паказ - 30 красавіка вечарам, а таксама - 2 і 3 мая.

Філасофская камедыя

Сюжэт камедыі такі: кожную сераду кампанія маладых людзей ладзіць вячэру, на якую адзін з сяброў павінен прывесці смешнага чалавека. Той, чый "герой" акажацца самым пераканаўчым, і выйграе прыз. Але ўсё пайшло не па плане.

У прэм’ерным праекце Тэатра-студыі кінаакцёра ўсё склалася: гумар, акцёрская ігра, добрая музыка і арыгінальная рэжысура.

П'еса ў камедыйным жанры французскага пісьменніка Франсіса Вебера мае глыбокі сэнс філасофскай трагікамедыі. Ёсць над чым паразважаць.

Творчы тандэм рэжысёра і кампазітара дае паспяховы вынік вось ужо дзявяты раз. Музыка Леаніда Шырына нібыта працягвае і раскрывае задумку пастаноўшчыка спектакля Аляксандра Яфрэмава.

Артыст тэатра і кіно Анатоль Голуб дасканала валодае камедыйным жанрам. У яго творчай скарбонцы сотні праектаў у тэатры і кіно. Над сваёй роллю Франсуа Піньёна працаваў дакладна, шукаў свой вобраз смешнага і разам з тым добрага чалавека. Дарэчы, памер тэкста, які ён запісваў на дыктафон, склаў 50 хвілін у паскораным тэмпе.

А вось мастак-сцэнограф Лідзія Малашэнка з мэтрам рэжысуры працавала ўпершыню. Нягледзячы на тое што за плячамі каля 50 пастановак.

Тэатр-студыя кінаакцёра - унікальная пляцоўка ў Беларусі. Тут спалучаюцца традыцыі тэатральнага мастацтва і кінематографа, гэта месца для эксперыментаў і наватарскіх пастановак.