У Ашхабадзе з'явіўся помнік Янку Купалу

У Ашхабадзе з'явіўся помнік класіку беларускай літаратуры Янку Купалу. Урачыстае адкрыццё адбылося ў рамках святкавання 300-годдзя з дня нараджэння вялікага туркменскага паэта і мысліцеля Усходу Махтумкулі Фрагі. Яго імем названы новы культурна-паркавы комплекс, дзе і ўсталяваны помнік беларускаму пясняру разам з манументамі паэтам і мысліцелям розных краін.

У цырымоніі прынялі ўдзел супрацоўнікі пасольства Беларусі ў Туркменістане, а таксама прадстаўнікі дыпкорпуса і Міністэрства замежных спраў Туркменістана.