Белтэлерадыёкампанія праводзіць адбор на дзіцячае "Еўрабачанне-2018"

Увага, вас праслухоўваюць! Сёння на Макаёнка 9 ажыятаж. У гэтыя хвіліны ў Белтэлерадыёкампаніі ідзе нацыянальны адбор на дзіцячае "Еўрабачанне".

Прадставіць нашу краіну на прэстыжным конкурсе хочуць многія, бо сёлета ён асаблівы для нас - дзіцячае "Еўрабачанне" прыме "Мінск-Арэна".

Пад барацьбу за месца ў фінале нацыянальнага адбору выдзелілі таксама вялікую, але тэлевізійную пляцоўку - студыю "600". Там зараз працуе і наша здымачная група (прамое ўключэнне).

Да фінішнай прамой дойдуць толькі самыя лепшыя! Прафесійнае журы, якое сёння ацэньвае канкурсантаў, мае вялікі вопыт як уласных сцэнічных выступленняў, так і працы над падрыхтоўкай да дзіцячага і дарослага конкурсаў песні "Еўрабачанне". 

Так што, кажучы прафесійнай мовай, фальшу ў фінале не будзе. Імёны шчасліўчыкаў аб'явім у наступных выпусках "Навін".

З раніцы ў самых нечаканых кутках Белтэлерадыёкампаніі можна сустрэць прэтэндэнтаў на месца ў нацыянальным адборы, якія старанна распяваюцца. Бо сёння на праслухоўванні самае галоўнае - гэта хітовая песня, вакальныя магчымасці і артыстычная харызма, не абавязкова прапаноўваць на суд журы гатовы нумар. 

Тых, хто жадае быць на пераможным п'едэстале, у гэтым сезоне 62 - дзеці ва ўзросце ад 9 да 14 гадоў з усіх рэгіёнаў Беларусі. І гэта як сольныя выканаўцы, так і калектывы.

У адборы ўдзельнічаюць песні на рускай і беларускай мовах. Выкарыстоўваць замежную таксама можна, але не больш за 40 % ад усяго тэксту. Акрамя таго, заяўленыя кампазіцыі не павінны быць камерцыйна рэалізаваныя, а таксама выкананыя публічна да 1 мая. Сёння ў Белтэлерадыёкампаніі рэзануе выключна жывы гук - гэта таксама абавязковая ўмова. На гэты момант выступілла ўжо практычна больш за палову паловы прэтэндэнтаў.

Па выніках праслухоўвання журы вызначыць ад сямі да дзесяці канкурсантаў для ўдзелу ў фінале - традыцыйным гала-шоу ў прамым эфіры тэлеканалаў "Беларусь 1" і спадарожнікавым "Беларусь 24", якое адбудзецца не пазней за 15 верасня. Хачу нагадаць, што ўладальніку пераможнага трафея сёлета не прыйдзецца кудысьці ехаць, бо дзіцячае "Еўрабачанне-2018" пройдзе ў Мінску 25 лістапада.

Жадаем поспеху ўсім канкурсантам і чакаем імёны фіналістаў!