У Беларусі завяршыліся Дні культуры Украіны

Артысты і калектывы з суседняй краіны далі некалькі канцэртаў. Апошні з аншлагам прайшоў у Гомелі. На сцэне грамадска-культурнага цэнтра - каля двухсот спевакоў і танцораў з Украіны. Больш за дзве з паловай гадзіны жывога вакалу і харэаграфічных пастановак. У афішы - сусветна вядомы ансамбль танца імя Вірскага, удзельніца “Еўрабачання” Злата Огневіч, папулярны выканаўца Алег Віннік і народная артыстка Украіны Ціна Караль. У фае культурнага цэнтра таксама працавала выстава народных промыслаў. Прэзентавалі нацыянальныя ўкраінскія вышыванкі, драўляныя і скураныя вырабы, а таксама старажытныя музычныя інструменты.

"Відавочна, што дні культуры праходзяць паспяхова. Гэта мой першы вялікі вопыт. Дзякуючы гэтым дням культуры артысты і людзі, якія займаюцца гэтым пытаннем, зараз строяць планы на будучыню. І я думаю, што ў найбліжэйшы час, ужо сёлета, вы ўбачыце сольныя канцэрты гэтых артыстаў, якія сёння тут выступаюць".

"Я дзякую беларускаму гледачу за такую цеплыню, за тое, як тут любяць украінскіх артыстаў, як нас тут цёпла прымаюць. Мне вельмі ў вас спадабалася, і я вельмі жадаю прыехаць з серыяй сольных канцэртаў".

Плануецца, што ў наступным годзе беларускія артысты адправяцца на Украіну з візітам у адказ.