У Мінску адкрылася выстава, прысвечаная знакамітым дзеячам Беларусі

Нацыянальны гістарычны музей запрашае на выставу, прысвечаную славутым дзеячам Беларусі. Экспазіцыя складаецца з партрэтаў нашых землякоў - гэта калекцыя графікі. Маляўнічыя партрэты Францыска Скарыны, Ефрасінні Полацкай, Міколы Гусоўскага, Сымона Буднага, Льва Сапегі і іншых. Серыя каляровых літаграфій належыць мастакам Ляілі і Валянціну Варэца.

Аляксандр Яцко, намеснік міністра культуры Беларусі: "Значэнне гэтай выставы ўнікальнае. Паколькі праз гэтую выставу мы рэпрэзентуем увесь той магутны пласт культурнай спадчыны, тых гістарычных звестак і ведаў аб выбітных дзеячах беларускай культуры, навукі і мастацтва".

Павел Сапоцька, дырэктар Нацыянальнага гістарычнага музея Беларусі: "Мы з'яўляемся суайчыннікамі выдатных асоб: і мастакоў, і пісьменнікаў, і военачальнікаў, і палітыкаў, і спартсменаў. Яны пакінулі нам унікальную спадчыну, якая сапраўды захапляе, уражвае. Наша задача - максімальна гэта прэзентаваць і паказваць шырокай аўдыторыі".

У дапаўненне да выставы - выдатны каталог з тэкстам і фотаматэрыяламі.