У Мінску праходзіць "Півоневы фэст"

Сагравае ў цэнтры сталіцы феерыя водару і фарбаў. Вытанчаныя бутоны на "Півоневым фэсце". На духмянай выставе ў Мінску больш за 300 сартоў далікатных раслін, у тым ліку з прыватных калекцый: махровыя, ружападобныя, вузкалістыя. Прадэманстраваны бутоны як замежнай селекцыі, так і беларускай. На "кветкавае дэфіле" ў экспазіцыі півоні збіраюцца ўжо трэці раз.

Побач карціны, на якіх таксама квітнеюць півоні. Беларускія мастакі і дызайнеры ўвасобілі букеты акварэллю, пастэллю і алеем. Атрымаць асалоду ад півоневага феерверка можна да канца тыдня.