У Маладзечне працягваецца 18-ы Нацыянальны фестываль беларускай песні і паэзіі

У гэтыя хвіліны пачынае працаваць музычна-паэтычная гасцёўня "Малая радзіма - пачатак мой і вытокі". З усіх куткоў Беларусі сюды прыехалі беларускія паэты, дзеячы культуры і мастацтваў. Мерапрыемства праходзіць на пляцоўцы канцэртнай залы Маладзечанскага палаца культуры.

Другі дзень фестывалю абяцае быць насычаным культурнымі падзеямі. Завершыць праграму гала-канцэрт "Маладзечанскі зорапад", які пачнецца на сцэне амфітэатра ў 21:30.