У Нясвіжы пачаліся "Вечары Вялікага тэатра ў замку Радзівілаў"

Трохдзённы фестываль адкрыўся шэдэўрамі беларускага рамантызму ў касцёльнай акустыцы. Храм Божага цела знаходзіцца пад аховай ЮНЕСКА. Ахоўваюць не толькі яго архітэктурную, але і гістарычную спадчыну - менавіта там знаходзіцца пахавальня Радзівілаў. Беларуская капэла падрыхтавала эксклюзіўную праграму з твораў сусветна вядомых беларусаў - Манюшкі, Кажынскага, Горскага.

Канцэрт у касцёле Божага цела - толькі пачатак вячэрняй праграмы. А праз некалькі гадзін ля сцен замка Радзівілаў балетная класіка. "Лебядзінае возера", "Карсар" у суправаджэнні аркестра. У гэтыя хвіліны ва ўнутраным дворыку заканчваецца рэпетыцыя акадэмічнага шоу.