У Нясвіжы працягваюцца "Вечары Вялікага тэатра ў замку Радзівілаў"

У Нясвіжы працягваецца галоўны летні фэст акадэмічнай музыкі - "Вечары Вялікага тэатра ў замку Радзівілаў". Напярэдадні форум стартаваў з балетных па. Ва ўнутраным панадворку замка давалі шэкспіраўскія санеты, па-дэ-дэ з "Лебядзінага возера" і "Карсара". Сёння ж гасцей форуму чакае камерная музыка ад вядучых салістаў Вялікага ў Тэатральнай зале замка. Там адразу два канцэрты: вакальная класіка і рамансы. А ўвечары на пляцоўцы пад адкрытым небам дадуць оперу "Травіята". Спецыяльна для нясвіжскага паказу з Мінска прывязуць экраны з "радком" - яны будуць дубліраваць мову арыгінала на рускую. Завершыцца фэст у нядзелю грандыёзным гала-канцэртам.