У Адэсе памерла вядомая сцэнарыстка, актрыса і рэжысёр Кіра Муратава

Ёй было 83. Сумную навіну паведамілі яе муж і сябры. Вядомасць ёй прынеслі першыя фільмы "Кароткія сустрэчы" і "Доўгія праводзіны", якія амаль адразу ж увайшлі ў класіку савецкага кінематографа. А карціна Муратавай "Астэнічны сіндром" заваявала спецыяльны прыз "Сярэбраны мядзведзь" журы Берлінскага кінафестывалю і прэмію "Ніка" за лепшы ігравы фільм. У стужках Муратавай здымаліся Уладзімір Высоцкі, Алег Табакоў, Рэната Літвінава. Пасля прэм'еры карціны "Вечнае вяртанне" Кіра Муратава заявіла, што сыходзіць з кінематографа.