У Салігорску стартуе тэатральная серада

У Салігорску прэм'ера. З сённяшняга дня стартуе тэатральная серада. У свой юбілейны, 50 сезон, гарадскі Палац культуры аднавіў даўнюю традыцыю. Штомесяц у Салігорск з гастролямі на адзін вечар будуць прыязджаць тэатральныя калектывы з усёй краіны і нават замежжа.

Першая пастаноўка тэатральнай серады - мюзікл-камедыя ад тэатра інтэрпрызы "Вокны" "Паліто з Бабруйска". Вясёлыя гісторыі жыхароў гэтага горада гледачы Салігорска убачаць у выкананні вядомых беларускіх акцёраў тэатра і кіно.

У лістападзе салігорскага гледача чакае прэм'ера ад свайго тэатра, а ў снежні - балет "Шчаўкунчык" ад Мінскай гімназіі-каледжа мастацтваў.