У Віцебску сёння Зара праспявае дуэтам з Жэрарам Дэпардзье

Віцебск гатовы да вялікага летняга музычнага свята. Ужо ў чацвер у горадзе на Дзвіне адкрыецца 27-ы "Славянскі базар". Але святочныя мерапрыемствы па традыцыі пачнуцца яшчэ да афіцыйнага старту. У афішы іх больш за 120. Сёння ў Летнім амфітэатры - канцэрт расійскай спявачкі Зары. Дарэчы, яна праспявае дуэтам з Жэрарам Дэпардзье песню на вершы Уладзіміра Высоцкага. Арганізатары абяцаюць шмат неспадзевак, а самыя яркія падзеі фестывалю пакажа Белтэлерадыёкампанія. Гледачы ўбачаць дзённікі са святочнага Віцебска, а таксама рэпартажы ў выпусках навін і "Панараме".