Вечар кітайскай паэзіі прайшоў у Доме дружбы

Матывы Усходу прагучалі і на беларускай мове! У Доме дружбы прайшоў вечар кітайскай паэзіі. На літаратурнай сустрэчы прадэманстравалі кнігу "Светлыя знакі Кітая", у якую ўвайшлі вершы сучасных кітайскіх паэтаў. Зараз у Мінску можна знайсці ўжо 12 экзэмляраў зборніка. Госці змаглі паслухаць пераклады беларускіх аўтараў, а таксама прачытаць перад аўдыторыяй упадабаныя імі радкі.

Паэтычны вечар адкрыў шэраг мерапрыемстваў да 60-годдзя таварыства "Беларусь - Кітай".