У Палацы мастацтва адкрылася выстава памяці мастака Фёдара Ястраба

Ён пакінуў пасля сябе багатую творчую спадчыну не толькі як мастак, але і як вядомы дзеяч культуры, мастацтвазнаўца. Ён прыняў удзел больш як у 100 міжнародных замежных, рэспубліканскіх выставах, быў аўтарам і куратарам дзясяткаў мастацкіх праектаў, правёў 12 персанальных выстаў. Напрыканцы жыцця Фёдар Ястраб пачаў пісаць вершаваныя творы і пакінуў амаль тысячу санетаў. На выставе адбылася прэзентацыя пяці тамоў пад назвай “Маленне агню і ветру”.

Жывапісныя палотны, кнігі, альбомы, каталогі выстаў і праектаў, часопісы і копіі артыкулаў дэманструюць шматграннасць таленту мастака і паэта Фёдара Ястраба.